2019年12月16日,星期一
首頁 / 焦點 / 「區鴿」認違泊暗寸警察 敷衍道歉又激嬲網民

「區鴿」認違泊暗寸警察 敷衍道歉又激嬲網民

鴿黨(民主黨)個大埔區議員區鎮樺早前違泊遇到警察,兩次警告佢都唔走,最終俾人抄牌後就上網公審個警察,話對方「冇禮貌」,仲好得戚咁話自己即場call咗人哋上司嚟「了解情況」,之後仲打算逐級投訴,奇葩思維引起網民連日圍插,刪極留言都仲有網民鬧佢。事隔3天,佢終於跪低認錯,話自己「誠懇」向「公眾致歉」喎。

唔少網民都鬧佢講到尾都冇向受影響嘅警員道歉,仲繼續暗示警察「唔尊重」佢,所謂嘅「誠懇致歉」,根本係想保住個區議員位先扮死狗。另有網民繼續質疑佢濫權,要求佢交代當日點樣叫人哋上司去現場了解事件。

就咁樣,佢又成功製造咗個「關公核彈」,又俾網民圍插多鑊。究竟要鴿黨啲人認認真真道個歉係咪咁難呢?

Do NOT follow this link or you will be banned from the site!