2018年10月19日,星期五
首頁 / 2018世界盃 / 睇世界盃你有想到爸爸嗎?

睇世界盃你有想到爸爸嗎?

俊傑(左二)13歲時獲選為香港代表持旗手,球迷爸爸(右一)身體力行支持仔仔,圖為俊傑2006年出發德國照片

 

世界盃明日凌晨進入四強對決,年輕波友結伴熱烈觀戰,大談波經時,又有誰記得那個在家中獨自觀賽的爸爸?還有小時候隨着爸爸觀戰的歡樂時光?「回帶」到2006年德國世界盃,在八強賽事擔任持旗手的香港少年湯俊傑(Jason)(當年13歲),那時由球迷爸爸親自帶去多輪選拔,好爸爸實行以行動支持仔仔。Jason日漸長大,由中學起已改約朋友睇波,忽略了爸爸。今屆世界盃激戰時,望見父親獨坐沙發上看球賽,他才驀然醒覺,坦言有一陣「心噏」。球迷兒子終下決心趕回家,與爸爸共享「親子睇波樂」。

不少人說男士不善言辭,不會將愛放在嘴邊,「睇波」或可成為兩父子的橋樑。Jason第一個睇波的「波友」是爸爸,「佢鍾意睇波,屋企裝咗收費電視,所以我有意識以來已經開始睇波。」平時湯爸爸是嚴父,小時候Jason對他的印象是「鍾意鬧仔」。2006年,熱愛足球的Jason參加了世界盃持旗手選拔,不但有六輪選拔,還有介紹和訓練等,南華會、大球場都要去,均由爸爸陪伴,「嗰刻發現,原來呀爸咁錫我!」

「見佢獨坐沙發睇,好心噏」

長大後這家人仍然嚴肅,Jason形容,飯桌上的話題多圍繞工作、前途,兩父子最交心只有看球賽的時候,「講下無聊嘢、輕鬆好多!」不過,隨着Jason結識更多朋友,中四、五便開始減少在家看球賽,長大後,爸爸終於忍不住埋怨Jason少陪家人,「聽到之後好心噏,原來阿爸都想我陪佢做啲嘢!」

父子間好像離遠了,但對世界盃的熱情卻不減,雖然兩仔爺各有支持球隊(爸爸支持俄羅斯,Jason支持巴西),但Jason說一定趕回家,與爸爸一起觀賽。

兩父子好像有遺傳,都不善言辭,Jason遂以行動表示,「一開門見到佢獨自坐喺沙發睇緊,我咪坐喺隔籬一齊睇。」

記者 朱樂怡