2018年10月24日,星期三
首頁 / 生活 / 酒樓推「清蒸原條勝瓜」 網友盤點奇怪菜式

酒樓推「清蒸原條勝瓜」 網友盤點奇怪菜式

有網民日前於網上發帖,指到一間連鎖酒樓食飯時,發現一道新菜式:清蒸原條勝瓜,標價88元,令他大感詫異。從上傳的圖片可見,整條勝瓜上鋪滿薑絲及豉油,果然物如其名。

帖文掀起熱議,有人笑稱成本不過10蚊,有人認為是反璞歸真:「好多餐廳改埋啲名浮誇到天花龍鳳,賣到貴一貴,唔講以為食左曉飛,實際上同普通菜式冇分別。」網民更發揮創意小宇宙,留言分享出街食飯時的另類菜式:牛油果炒飯、朱古力汁雙腸麵、利賓納骨飯、巨峰提子汁焗雞扒飯、薯條炒蝦等。