2018年10月24日,星期三
首頁 / 焦點 / 白頭忠迫走「儲君」為「永續」

白頭忠迫走「儲君」為「永續」

正所謂「禍不單行」,街工自從有3個「勞工組」人員俾靈魂人物阿白頭忠(梁耀忠)「炒」咗之後,就一直諸事不順,之後仲發生咗退黨潮,就連白頭忠口中嘅「接班人」、葵青區議員黃潤達都懷疑頂佢老人家唔順,日前退黨另謀出路。不過,白頭忠喺日前回應黃潤達退黨一事時,竟非常「豁達」咁話「無咩意見」、「無咩傷心」,輕輕帶過,人情原來真係可以好似紙咁薄。

但講到議席嘅時候,佢就現實到無得再現實,否認自己講過後年立法會選舉會幫對方抬轎,真係用完即棄。唔少網民覺得白頭忠逐個迫走後生仔,都係想為自己永續參選鋪平條路啫!