首頁 / 焦點 / 遊行者少香油反增? 隨時假籌旗真洗錢

遊行者少香油反增? 隨時假籌旗真洗錢

今年反對派七一遊行人數係有史以嚟最少,反對派組織年年都借呢個場擺香油箱搵水腳,之但係善信越嚟越少,點算好呢?惟有好似「中箭」(「香港眾志」)阿河童(黃之鋒)同「小麗老千」(劉小麗)咁爭食囉!話說佢兩個當日各不相讓,喺港鐵站出口鬥疊聲叫人埋去入錢,最後個結果都幾出人意表,二十出頭嘅河童明顯中氣唔夠,相反四十有一嘅「小麗老千」越嗌越醒神,或者同佢嗌嘅其中一句有關:「但我哋真係無錢!」俾個大你兩轉嘅中女咁樣KO,河童真係要做多啲運動練氣,打少陣機!

睇返當日唔同組織嘅「派彩」,有花生友就質疑,遊行人數明明見新低,但有啲組織嘅香油錢不跌反升,可能係有人「借遊行假裝籌旗!所以次次報大數!實際將『黑金』漂白……」喎。「Wong Joe」就假設有萬五人參與遊行,如果「中箭」、社民連、「小麗老千」一共籌到125萬蚊,連埋民主黨、公民黨等傳統反對派應該都有兩球嘢,「即係遊行人士每人都捐咗百幾二百蚊,我又覺得唔太make sense(符合常識),呢班人吹出嚟嘅總數, 冇人會質疑?」