星期二 , 2 月 25 2020
首頁 / 點生活 / 領養流浪狗要「查家宅」引發網友激辯

領養流浪狗要「查家宅」引發網友激辯

不少人有心人都願意領養流浪貓,給牠們一個溫暖的家,但領養前往往要被「查家宅」,就未必人人接受到喇!有網民係Facebook專頁「巴打絲打Facebook Club」帖文表示,「發現左兩隻浪浪bb狗,兩隻都係女仔,未知有無晶片,有無人可以俾一個家距(佢),需要接受家訪,不接受倉狗,公屋定期會探望」。

帖子一出即引嚟網友大激辯,有網友認為:「送比(畀)人又要定期探訪,咁驚領養人對佢5(唔)好咪自己養囉。」還有網友說:「公屋大吧(把)人養狗啦 不接受 你個人不接受?歧視呀?」

有「成功」領養咗兩隻唐狗仔嘅網友,留言分享自己領養經驗,話:「成功領養之前都同班「動物L」有不娛(愉)快經驗!我講到明住村屋,門口有二千呎花園,再行出花園有幾萬呎農地。班「動物L」就話要事前家訪,及日後要定期家訪,又唔可以做乜又唔可以做七,又話怕我食狗肉!… …」

但亦有網友認為,「家訪好正常,唔係點知隻狗日後生活嘅地方係點」,亦有人讚樓主已經做得好好。之後,樓主更新帖文表示,已經有人聯絡可養,好多謝咁多人主動去幫手。對於網友的留言,他就回應:「話人前,諗下換轉係自己見到兩隻咁可憐既(嘅)狗會唔會幫先評論人」。

Do NOT follow this link or you will be banned from the site!