2019年9月21日,星期六
首頁 / 焦點 / 同道數臭「白頭忠」:街工「好有米」

同道數臭「白頭忠」:街工「好有米」

反對派政圈中嘅恩怨情仇,有時真係千絲萬縷又錯綜複雜。話說街工白頭佬(梁耀忠)喺前日勞動節俾轄下3個職員踢爆佢係「無良僱主」,白頭佬就呻晒窮話街工財困。曾經喺2016年立法會選舉提名畀白頭佬選超區嘅黃大仙區議員譚香文,就喺自己facebook出文,話睇過「街工」盤數,「唔似白頭佬講到咁財困喎」,話佢整體依然賺錢,再指出埋街工教育中心,2014/15至2015/16年間收入多咗230萬元有多,累積資金達335萬元,係好賺錢㖭。

譚香文跟手再封埋佢後路話如果真係要炒嗰3個職員,就要按法例要求找清遣散費,「希望你街工好人做到底,唔會拎強積金對沖咁衰仔。」戰鬥力升到100嘅譚香文再進一步數臭對方,「作為勞工團體家陣仲要搞出勞資醜聞,咁樣對待自己的員工,連歡迎返嚟做義工都講得出。好心你臭罌忠2020(年)就俾(畀)年青(輕)人上位喇,都Out到出晒臭草就唔好再阻住地球轉喇。」

譚香文之後仲將呢個帖文周圍轉貼,唔覺唔覺就喺十幾個Fb專頁度擺埋出嚟,都咪話唔狠。

Do NOT follow this link or you will be banned from the site!