星期四 , 4 月 2 2020
首頁 / 點生活 / 大專生搲狗餅贊助 店主震驚「含淚婉拒」

大專生搲狗餅贊助 店主震驚「含淚婉拒」

一間專賣狗狗零食的的「曲奇咖啡室」近日在Facebook貼出「道歉啟事」,話有大專生見到佢哋啲食物好吸引好靚,想搵佢哋sponsor(贊助),提供食物給來賓。

店主就鬼馬回應話,好多人都問過「可唔可以畀人食㗎」,答覆一直都係「係天然材料,風乾之後會好硬朗,但人都應該食得嘅」,但今次竟收到大專生的贊助邀請,就令佢哋「超級震驚」,話雖然都好想幫助大專生,等佢地嘅來賓有多種唔同嘅天然風乾營養,但考慮過食品本身嘅硬度係啱狗狗食,我哋只好含!淚!婉!拒!!!又話如果真係有人想為狗狗開生日派對,「可以提供友情價畀你,CALL我!」

這則「道歉啟事」一出,旋即引起網上熱議,有網民話「 大學生為咗搵贊助可以去到幾盡? 但係都印證咗大學生身份,小學雞智商!」,亦人笑稱「可能係警犬就職禮」,又或者「來賓當中有啲係IT狗、單身狗呢」!

Do NOT follow this link or you will be banned from the site!