2018年5月27日,星期日
首頁 / 圖集 / 未出閘 先收銀

未出閘 先收銀

有DQ前科嘅蟲炎(姚松炎),日前僥倖通過立法會九龍西補選參選報名。作為候選人,正常補選前都應該多啲落區了解民生,豐富政綱先啱,但佢又唔係喎,而係借補選名義同大家收錢呀。話說佢尋日(7日)喺Facebook貼文,好厚面皮咁話自己想重返立法會,雖然有政綱,但都好需要「經費」。唔知係咪平時上街違法「掠水」被人插得多,呢次學精咗,教埋大家捐一千就得,因為怕違法選舉條例。

成個post抄埋最近好熱門嘅「旅行青蛙」遊戲,但玩開「旅行青蛙」嘅都知道,呢隻青蛙一出去,都唔知幾時會返嚟,唔通蟲炎係想收完錢就「走佬」?話時話,佢拖欠立法會312萬元嘅薪津都未還喎,仲好意思收錢?唔少網民都留言大鬧蟲炎係「騙徒」:「除左(咗)市民出糧比(畀)你自肥外,你係(喺)議會幫到市民做啲乜?」、「還咗錢俾納稅人先啦!」不如咁,一人一嬲,支持姚松炎遠離立會好過啦!

九龍西候選人還有鄭泳舜和蔡東洲。