2019年5月21日,星期二
首頁 / 焦點 / 山上又掛黃幡 網民鬧爆「累街坊」

山上又掛黃幡 網民鬧爆「累街坊」

繼前日獅子山獅頭位置被人掛上「守護香港」黃色直幡後,龍翔道筆架山山腰位置,昨晨9時許亦發現被人掛上一幅寫有「守護香港元旦遊行」的黃色直幡。工聯會離島區議員鄧家彪在其facebook撰文批評:「明晒!原來係擺明谷遊行。其實呢樣都係公器私用嘅惡例,紀律部隊原本在候命或救人,就係用嚟招呼呢d(啲)幼稚行為,有關人士要遭譴責 ! 」搞事者連累消防員除夕日都咁唔得閒,當然俾人鬧爆,不少網民亦直斥行為「累街坊」。

現場所見,直幡約21米長、3米闊,警員通知消防到場移除直幡,消防員中午前把直幡拆走。

案件列作「發現橫額」,交由相關部門跟進。

鄧家彪續指:「我們只知道,是一眾紀律部隊守護香港。其實大家都認同守護香港的獅子山下精神,同舟共濟,跨越困難,而唔係製造麻煩。」

鄧在結尾時特地提到:「消防人員,飛行服務隊和警員,辛苦晒 !」

唔少網友都睇唔過眼,網民Glory Tsang表示:「整塊咁嘅嘢,再元旦行一行。咁就守護咗香港嗱?一班食飽飯,無聊嘅守護香港人士,做呢啲無謂嘢都只係為慰藉自己嘅英雄心態。」

網民:不如為社會做實事啦

網民Paul Cheung則睇得通透:「咁努力去爬山放標語、不如切實努力為社會做點事啦!」係囉,有時間爬上去掛嘢,點解唔做啲實際嘢呢?

又有網民「李明一」於「曲線要講明」咁嘲諷呢班人:「守護香港無講錯喎!踢走黃屍,守護香港!」

網民「黃萬全」仲整首打油詩「贈慶」:「累人累物累街坊,行為狂妄近瘋狂;獅子山頭非獨有,一己之私禍無窮。」

根據《郊野公園及特別地區規例》,任何人未經許可不得在郊野公園或特別地區內展示任何標誌、告示、海報、條幅,違例者最高可被判罰2,000元及監禁3個月。

文匯報記者:杜法祖

Do NOT follow this link or you will be banned from the site!