2019年8月20日,星期二
首頁 / 焦點 / 「佔旺」乳鴿獲輕判 白鴿抽水被鬧爆

「佔旺」乳鴿獲輕判 白鴿抽水被鬧爆

「佔旺」期間違反清場令而被控藐視法庭嘅犯事者,陸續要面對自己種下的惡果。民主黨前日就喺「佔旺」案其中4名被告有裁決結果後,就喺facebook出文抽水,仲將自己黨友、其中一名被告張啟昕張相放到最大,都唔知攞景定贈慶嘞。雖然法官今次判張啟昕緩刑時指出,輕判原因之一係因為佢一早認罪同有悔意,但民主黨唔知係咪只志在出post,根本冇去睇判詞內容,仲巴巴閉閉咁話「公民抗命,無畏無懼」。有網民就留言鬧爆︰「『泛民』政棍最叻就係推你班年青(輕)人去送死,佢哋就係(喺)後面同金主食花生。」、「民主黨班幕後大佬點解冇事嘅!」

民主黨肯俾呢班網民鬧幾句都算係咁,有啲網民留言唔知點解過咗晚就「被消失」。好似「毛仁川」嘅留言「加入民主黨害你一生,爭取什麼?做特首或議員又無資格,只能做販夫走卒,替人打江山!」就唔見咗;「Stanley Cheung」嘅留言︰「本來一班大好青年,誤入民屎(主)黨既(嘅)歧途,終於自毀前程,抱撼(憾)終生,民屎(主)黨真害人不淺。」一樣唔見埋。

 

Do NOT follow this link or you will be banned from the site!