2019年8月25日,星期日
首頁 / 焦點 / 袁嘉蔚「代夫出征」? 網民寸「係人都選得」

袁嘉蔚「代夫出征」? 網民寸「係人都選得」

明年3月立法會補選,「香港眾志」(中箭)諗住永續佢哋喺港島嘅議席,但邊個去馬大家都仲係估估吓,一時話係常委周庭,一時又話係被DQ(取消議員資格)嘅羅三七(羅冠聰)女友、同樣係「中箭」成員嘅袁嘉蔚,佢仲俾人形容係「代夫出征」添。不過,當事人日前喺台灣一個對談會上就振「婦」綱,話唔鍾意「代夫出征」呢個講法,仲因為有報道標佢做「羅冠聰女友」而省咗個記者一鑊!雖然佢有佢咁講,但網民一於睬佢都傻,寸「中箭」想玩家族政治,又覺得佢知名度、辯才同往績欠奉,「家真係係人都選得。」

袁嘉蔚日前去咗台灣出席一個香港女性參與政治嘅對談會。根據對談會嘅文字記錄,袁嘉蔚話自從三七入咗冊之後,佢做咗好多訪問同演講,但無論主題係乜嘢,焦點都係佢嘅「羅冠聰女友」身份,「有次有個記者問我『香港眾志』未來方向,因為其他人都入獄了,我回答之後,再看訪問,他的文章,我的身份也只是羅冠聰女友。我很憤怒,我跟那個記者說,我接這個訪問的身份是『香港眾志』的成員,不是羅冠聰女友,最後他有改了。」

佢又唔鍾意啲人講佢「代夫出征」,「好像他(三七)出來我就要退場,在他假釋的當天,進法院前,我在媒體前對媒體說我的感受。他假釋出來了,我就突然退後了,成為聯絡員。」佢對外界覺得佢係代替品感到難受,因為佢唔係一個素人,亦都有自己擅長嘅地方,希望未來可以塑造到比較獨立嘅身份,令公眾認為佢係有能力嘅女生,而唔係依附喺男友身邊嘅小女友喎。

AQ差 自言三七入冊瀕崩潰

三七保釋之前坐咗兩個月,袁嘉蔚就話自己每日都瀕臨崩潰,對於好多人嘅問候都覺得唔耐煩,「很多人會走過來,每天起碼十個,來問我,『你好嗎?適應沒有?』在我心裡我都想說,『廢話,怎麼會好啊。』我知道那些問候是善意的,我也很感謝,但每次的問候都是每次的傷害。」

三七就話有得保釋啫,但衝擊立法會嗰13個人又唔係政治明星,邊會有咁嘅待遇?其中「中箭」常委林朗彥同社工梁曉暘,仲要喺入面面對情海翻波!同場嘅林朗彥女友、「中箭」成員黃莉莉話,男方入冊兩星期之後,雙方曾經分過手,當時佢試過箍煲,但??家覺得即使唔可以喺返埋一齊都無問題,因為仲係非常親密嘅戰友喎。

梁曉暘女友、前理大學生會外務副會長黃沅羚更自爆已經分咗手,「在他入獄後,我在幫他處理所有東西的過程中,我發現一些事情吧,是不可以公開的」,如果公開驚畀人當佢係衰人咁話。

赴台振「婦」綱 願「走得更前」

除咗喺台灣振「婦」綱之外,袁嘉蔚亦都接受咗香港報章訪問,重申唔鍾意人哋話佢「代夫出征」,「如果有一天我願意走得更前的時候,都是因為我自己」,又話「中箭」唔想喺補選複製一個三七出嚟,但就死都唔肯透露人選同埋內部遴選機制。「Ka Chun Yu Bryan」諷刺道「??家真係係人都選得」,「Chris Chan」就覺得「搵個低少少嘅代表,咪一定聽話無偏差。」

網民寸盡袁嘉蔚

■ Ka Chun Yu Bryan:家真係係人都選得。

■ Fung Chan:不如叫你老母出嚟選啦,反正入到去都係冇建設㗎啦!

■ Takchi Hwang:真係阿豬阿狗都選舉,到底知不知道除咗反政府仲有好多民生㗎!你乜料呀?

■ C.c. Yau:有甚(什)麼選民 ,便有甚(什)麼已完(議員)。冤豬頭自有盟鼻菩薩,不過鼻敏感症狀,在香港已是風土病。

■ Pedro Ortega:家族政治。

■ Po Chan:選舉都要鄉朋親友化,都幾傳統中國人思想,肥水不流他人田。

■ Chris Chan:搵個低少少嘅代表,咪一定聽話無偏差。

■ Hugo Leung:「眾志」、羅冠聰、黃之鋒會在fb刪除異見聲音,唯我獨尊一個地步,同自負老人(指鄭經翰)嘅本質係一樣專權。對選民如此不可一世嘅態度,我醒覺「眾志」只係一班政棍。我身為港島選民,決不會再將神聖的一票給「眾志」,立此存照。

■ Matthew Lee:「如果有一天我願意走得更前的時候,都是因為我自己。」為自己因為議員人工十萬(元)好和味。

文匯報記者:陳庭佳

Do NOT follow this link or you will be banned from the site!