2019年10月15日,星期二
首頁 / 焦點 / 黃洋達向反對派乞食被恥笑

黃洋達向反對派乞食被恥笑

隨着「禍港四人幫」之一、壹傳媒集團創辦人肥佬黎(黎智英)旗下刊物跌紙同賣出去,一直幻想自己係「傳媒大亨」嘅「熱狗」過氣「首領」狗達(黃洋達),竟然諗住取代佢做主流反對派嘅喉舌,叫主流反對派訂閱《熱血時報》,俾人揶揄向仇家乞食都做得出。咁都做得出,其實佢哋都有「苦衷」,狗達就提到佢哋做「偵查報道」嘅「熱狗仔隊」處於倒蝕狀態,但成個「熱狗仔隊」至今只係做過一兩單嘢,俾「無敵神駒」仇思達同佢班益友質疑籌到嗰差唔多兩球嘢去咗邊,係咪俾狗達同佢老婆殘獸慧(陳秀慧)落咗格。

佢聲言主流反對派喺無咗肥佬黎條水喉之後,所謂立法會選舉嘅得票、民意「六四比」將會被打破,乜嘢行動都搞唔到,因為再無渠道畀佢哋製造民意,「所以自稱『非建制派』、『泛民主派』、民主黨,我覺得你哋需要做嘅就係訂閱《熱血時報》。你哋依家真係求神拜佛要令《熱血時報》壯大起上嚟。」佢聲稱唔會因為咁而撐主流反對派,但如果佢哋做啱嘢會幫佢哋講喎。

狗達講講吓,仲講到大家以為壽終正寢咗、喺特首選舉影過幾條低像素影片嘅「熱狗仔隊」,話「熱狗仔隊」個「牧養」(咪即係籌款)進度一直未達標(300萬蚊),形容係「監粗開始做」,一開始咗就停唔到,最後燒錢燒到進入倒蝕狀態。

「熱狗」喺選舉前後咬主流反對派仲狠過咬建制派,依家狗達呼籲主流反對派訂閱《熱時》,豈不是向仇家乞食?「陳永仁」就話嘞,主流反對派唔少錢都係來自肥佬黎,「不如直接叫肥佬黎科水畀你啦」,又質疑狗達咁做同佢痛恨嘅長毛(梁國雄)同廢陶(陶君行)之流有乜分別。「Simon Fong」亦摷返長毛、廢陶、大嚿(陳偉業)同狗主反面嘅往事嚟講,「原來每個反骨仔最終目的是投靠『泛民』肥佬黎。」

 

香港文匯報記者陳庭佳

Do NOT follow this link or you will be banned from the site!