2017年11月24日,星期五
首頁 / 焦點 / 爆粗辱警林慧思 面皮厚過牆

爆粗辱警林慧思 面皮厚過牆

2013年喺旺角街頭粗口辱警,而有「粗口Miss」之稱嘅小學教師林慧思,前日自暴其醜。

佢喺社交網站展示一封教育局信件,信中提到有三人向教育人員專業操守議會投訴,話林違反咗《教育專業守則》中「應努力保持教育專業的榮譽、尊嚴與情操」嘅條文。議會裁定投訴成立,當局亦都籲請佢努力維持教育工作者應有嘅操守。

一般人收到咁嘅信件,實會瘀到面紅。呢位「粗口Miss」就不以為恥,尋日竟然話啱啱好事件發生四周年,要返去旺角「慶祝」,仲順便Sell佢本自己都話「無乜人買」嘅書,面皮認真厚過牆!「林老師」與其慶祝,不如留屋企罰抄《教育專業守則》幾次,了解教師應有操守,唔好出嚟誤人子弟。