2019年10月14日,星期一
首頁 / 點生活 / 哈囉喂招2200「鬼才」人工高兼好玩

哈囉喂招2200「鬼才」人工高兼好玩

假如一份好工嘅定義係人工高、好玩、唔覺悶,海洋公園年度重頭戲「哈囉喂全日祭」請人就絕對啱晒你!海洋公園今個禮拜六(10日)喺鑽石山荷里活廣場,招聘超過2200名哈囉喂員工,時薪最高達190蚊。自問表演欲旺盛、膽大心細,性格又外向你,記得嚟應徵喇!

海洋公園哈囉喂全日祭今年踏入第17個年頭,招聘「鬼才」嘅數目創歷年之冠。2200個職位包涵咗1200名嘩鬼演員、400名後台工作人員及600名前線服務員工。短期職位合約期由下月開始,至11月底結束。

幾錢?果然夠現實!今次職位嘅時薪視乎職位而定,由53蚊至190蚊不等。以演員管理團隊中嘅合約節目經理計,月薪隨時可高達4.7萬元。心郁郁想見工?等海洋公園演藝節目總監歐陽綺華過你幾招,佢話應徵做嘩鬼演員,首要條件係性格夠外向、熱愛工作,其他要有演技,樂於與遊客互動。除此以外,創意、團隊合作精神亦都不能忽視!鄭晴我每朝瞓醒起身,對住塊鏡都會畀自己嚇親,唔知合唔合乎資格應徵呢?

Do NOT follow this link or you will be banned from the site!