2019年10月24日,星期四
首頁 / 焦點 / 黃毓民陳雲互翻恩怨情仇

黃毓民陳雲互翻恩怨情仇

「熱普城」之前為選舉利益而結合,敗選之後狗咬狗骨。「狗主」黃毓民早前稱其太太收到匿名恐嚇信,將矛頭指向「城邦派國師」陳雲(陳云根)及「熱狗」前頭目黃洋達,更將陳雲從自己網台MyRadio掃地出門;又重載「本民前」發言人梁天琦及黃台仰等此前在MR的節目,被指是試圖搵「轉世靈童」參加可能舉行的立法會補選。狗主早前再於MR開火,由台長梁錦祥出面講MR向來都是狗主地盤,又指之前因為陳雲「冇得教書」,所以畀佢做節目接濟云云。你有你講舊日情義,陳雲自己都上載一段短片,言論間揶揄狗主冇咗議席「悵然若失」,勸佢「真誠面對自己嘅慾望」喎。

狗主以「男人天職保家眷」為題,借台長把口講返「熱普城」嘅恩怨。梁錦祥先講返重載梁天琦及黃台仰等人節目一事,強調MR從來都係「選舉機器」、係狗主自己從無到有、自己攞資源推動,而以往嘅節目係MR嘅財產,保留住係合情合理,與補選無關。

你有你講舊日情義,陳雲就唔係咁諗啦。佢噚日凌晨喺自己fb上載短片,話要「細談近日與毓民兄的爭端」喎,其實都係句句錐住狗主。佢話,狗主冇咗議席悵然若失,揶揄佢之前選舉又察覺唔到自己陣營被滲透,俾人鬧時又唔慣俾無名網民批評,所以就去攻擊人。佢仲話,又唔見有人攻擊自己同黃洋達,「因為我哋冇做錯。」

陳雲又話,清黨是「更新復元」的過程,可惜狗主「唔多明呢樣嘢,佢唔係做政黨,而係做傳媒」,擺到明話狗主唔識政治。陳雲又叫狗主自己去參加補選,直言狗主家言退,係「唔能夠真誠面對自己嘅慾望」。佢仲話,狗主冇議席得網台根本「活唔到」等。

香港文匯報記者:甘瑜

Do NOT follow this link or you will be banned from the site!