2017年8月18日,星期五
首頁 / 生活 / 武林鍵盤大戰蕭若元被KO

武林鍵盤大戰蕭若元被KO

大家好,我是鄭晴。今天要用四百幾字,跟大家講一個關於兩個鍵盤戰士嘅武林故事。事緣於內地格鬥狂人徐曉冬近日出位言論,引發一場武林(鍵盤)大戰,結果連本地資深傳媒人蕭若元,都踩過界亂抽水,話中國傳統功夫唔打得。懶叻無用嘅,咪又係畀網民瘋狂恥笑自曝其短。

話說格鬥狂人徐曉冬上個月同太極拳「雷公太極」創始人魏雷比試,結果用十秒秒殺對手後,突然三分顏色上大紅,喺微博上掀起口水戰,仲放話指已故武打巨星李小龍唔打得。點知講就天下無敵,做就無能為力,淪為全民公敵唔夠一星期就突然縮沙,承認自己博炒作,想出名。

真師傅:「燒山」信口開河武林事,武林了,本以為事件去到尾聲,點知「燒山」蕭若元今個月初起,喺網路平台先後發表七次「功夫打唔打得」系列,以所謂專家之見話傳統功夫唔掂,套路無用。

鄭晴雖然深明「認真,你便輸了」呢個道理,但都虛心向武林高手指教,驗明真偽。點知香港大聖劈掛門國術總會主席兼香港泰拳理事會副會長冼林沃師傅都話, 「燒山」外行人信口開河,對武術一知半解。

這個故事想說明,無料扮四條,鍵盤敲得響都無用!不妨聽吓網民建議,「不懂功夫就不要講功夫了。門外漢自以為是實在笑話」,咪再亂噏獻醜啦!