2017年8月18日,星期五
首頁 / 生活 / AR活化郵票建築活現眼前

AR活化郵票建築活現眼前

vr
郵票控注意!香港郵政新一輯「活化香港歷史建築」特別郵票將於本月25日,即係下個禮拜二發售。呢輯郵票一套六枚,分別印有本港六個活化歷史建築項目嘅圖案,而最特別嘅賣點係郵票首次應用咗AR(擴增實境)技術。只需要用手機鏡頭對準郵票,即睇到建築物嘅3D立體模型,名副其實睇得又玩得。

呢次郵票選中嘅六個「角色」分別係We嘩藍屋、油街實現、綠匯學苑、石屋家園、元創方,同埋茂蘿街活化項目,面值介乎1.7元至5元。郵票除咗以燙壓印刷技術印製,收藏者仲可以透過「香港郵政郵票」流動應用程式,將每棟建築物嘅3D立體模型呈現眼前,甚至仲可以查看建築物簡介同埋360度相片。最過癮嘅係,3D立體模型嘅背景仲會根據日間、黃昏和晚間而實時改變,令人恍如置身其中,夠晒盞鬼!