2017年10月24日,星期二
首頁 / 生活 / 共享單車五蚊半粒鐘 遊新界畀得起畀得喜

共享單車五蚊半粒鐘 遊新界畀得起畀得喜

gobee_20170420_590

香港土地問題嚴重,想買架單車擺喺屋企,假日踩番轉都成問題,不過以後冇有怕喇!風行各地嘅智能共享單車終於登陸香港,今日起經過沙田、大埔等新界地區,就可以手機應用程式(App)租用,車租係每半小時五蚊,你畀得起亦畀得喜吧!想去邊就踩去邊之餘,仲可以隨時隨地還車,方便到呢!

本港第一個單車共享系統「gobee.bike」,今日起喺沙田、大埔同埋馬鞍山地區擺放400架智能單車,並逐步增加數目,估計七月暑假前可提供兩萬架,年底時服務範圍覆蓋至香港大部分地區,包括九龍、港島、愉景灣同柏麗灣等。

共享單車選用鮮綠色車身,配置咗盛物籃、夜行智能燈及防盜警鐘等裝備,仲內置咗GPS,有助追蹤單車位置。至於單車目前嘅租用方法只限Android電話用戶,用iPhone嘅朋友仲要等多陣。用戶只需安裝App,登記個人信用卡資料同聯絡電話,同時繳付390蚊按金,就可以透過App嘅互動地圖,尋找最近自己嘅單車。

搵到單車咯,就要用手機掃描車身上嘅QR code,解鎖就踩得。交還時,用戶只需要喺尾轆位置幫單車上番鎖,系統就會即時停止計時, 兼透過信用卡收取租車費。